Deputeti i PDK-së, Enver Hoxhaj, ka bërë të ditur se ka mbërritur në Hagë, në prag të shpalljes së aktgjykimit ndaj ish-krerëve të Ushtrisë Çlirimtare të Kosovës (UÇK).

Hoxhaj ka ndarë një fotografi nga aeroporti, ku shihet bashkë me deputetin Mërgim Lushtaku dhe Nait Hasanin.

Ai ka shprehur besimin e tij në drejtësi dhe në kthimin e ish-krerëve të UÇK-së në Kosovë.

“Ne, sapo arritëm në Hagë! Me besim në drejtësi dhe në kthimin e çlirimtarëve tanë në Kosovë!”, ka shkruar Hoxhaj në “Facebook”.