Ish-deputetja e Kuvendit të Kosovës, Besa Ismaili-Ahmeti, ka reaguar lidhur me zhvillimet e fundit, duke ngritur shqetësime për, siç e ka cilësuar ajo, përndjekjen e familjarëve të ish-pjesëtarëve të UÇK-së.

Ajo ka reaguar ndaj arrestimit të nipit, të ish-presidentit, Hashim Thaçi.

Përmes një postimi në “Facebook”, Ismaili-Ahmeti ka thënë se një qasje e tillë përbën, sipas saj, “një inkuizicion politik të paparë dhe të papranueshëm”.

“Shteti që përndjek familjarët e çlirimtarëve? Ky është një inkuizicion politik i paparë dhe i papranueshëm!”, ka shkruar ajo.

Reagimi i saj:

Shteti që përndjek familjarët e çlirimtarëve?

Ky është një inkuizicion politik i paparë dhe i papranueshëm!

Mesazhi që përcillet, në sytë e mi, shkon deri në Hagë: të rëndohet edhe më shumë goditja ndaj Hashim Thaçit.

Kjo logjikë përveç që synon kriminalizimin e luftës çlirimtare, shton edhe stigmatizimin e familjarëve të çlirimtarëve.

Por dinjiteti nuk nënshtrohet!

Shikojeni! 👇