Vinicius Jr. mund të mungojë në “El Clasicon” e ardhshëm ndaj Barcelonës, pas kartonit të kuq të marrë në ndeshjen kundër Villarrealit.

Sulmuesi brazilian i Real Madridit rrezikon të pezullohet për dy ose më shumë ndeshje, çka do ta linte jashtë përballjes së shumëpritur ndaj rivalit të përbetuar, Barcelonës.

Gjithçka do të varet nga vendimi i organeve disiplinore të La Ligës dhe nga masa e pezullimit që do t’i shqiptohet brazilianit pas përjashtimit nga loja.

Mungesa e Viniciusit do të ishte një goditje për Real Madridin, duke pasur parasysh rëndësinë e tij në repartin ofensiv dhe rolin që luan në ndeshjet e mëdha.

Tashmë, tifozët madrilenë presin me interes vendimin përfundimtar, pasi një pezullim prej së paku dy ndeshjesh mund t’i kushtojë brazilianit mungesën në njërën prej përballjeve më të rëndësishme të sezonit.