Gazeta e madhe spanjolle, “Marca”, i ka kushtuar një shkrim dyshes së sulmit të Mallorcas, Vedat Muriqi dhe Cyle Larin. Për Muriqin ka shkruar se “kosovari nuk po kalon një vit të mirë sa i takon shifrave”.

Tutje “Marca” ka shkruar se Muriqi gjatë këtij edicioni ka shënuar “një gol çdo 250 minuta”. 30-vjeçari ka shënuar shtatë gola dhe ka asistuar dy herë. Ka arritur shifrën e golave që i pati edicionin e kaluar. Por Muriqi është larg 15 golave të shënuar në edicionin e parë në ishull.

Muriqi është përballur me dy lëndime gjatë këtij edicioni. Sipas gazetës spanjolle, Muriqi mund të jetë jashtë fushës edhe për një muaj.