Deputeti i Vetëvendosjes, Faton Peci, ka vlerësuar deklarimin e Bekë Berishës nga AAK-ja, i cili ka thënë se me votim të hapur do të votojë secilin kandidat të propozuar nga partia e parë.

“Nuk është në pyetje këtu sakrifikimi i askujt. Çështja është se në rast që një propozim i tillë prej një deputeti që besoj që duhet me u vlerësuar. Në esencë kjo do të duhet të jetë sjellja e shumicës së deputetëve për shkak se nuk mund të tjetërsohet vullneti i qytetarëve dhe e drejta që Vetëvendosja e ka fituar me votë të qytetarit dhe me aktvendimin e Gjykatës Kushtetuese”, ka thënë Peci, duke shtuar se Lëvizja Vetëvendosje ka të  siguruar një pozitë në institucione, dhe ajo është e kryetarit të Kuvendit.