Kompania Rajonale e Mbeturinave “Pastrimi” ka njoftuar se konsumatorët që nuk i shlyejnë borxhet për shërbimin e mbledhjes së mbeturinave do të dërgohen te përmbaruesit.

Në një njoftim për medie, kompania u ka bërë thirrje qytetarëve në Prishtinë, Podujevë, Lipjan, Obiliq, Drenas dhe Fushë-Kosovë që të kryejnë pagesën e faturave sa më shpejt.

“Nga java e ardhshme, sikur kemi vepruar gjatë tetorit me bizneset, të gjithë konsumatorët, amvisëri, me borxhe të pashlyera do të procedohen në përmbarim, sipas legjislacionit në fuqi. Procedurat e përmbarimit përfshijnë kosto shtesë për konsumatorët, prandaj ju ftojmë që pagesat t’i kryeni sa më herët për të shmangur shpenzime të panevojshme”, ka njoftuar “Pastrimi”.