Ish-kryetari i Partisë Demokratike të Kosovës (PDK), Memli Krasniqi, u ka bërë thirrje bashkatdhetarëve që jetojnë jashtë vendit të regjistrohen për të votuar në zgjedhjet e jashtëzakonshme të 28 dhjetorit.

Në një postim të publikuar në “Facebook”, Krasniqi k shkruar se roli i diasporës ka qenë gjithmonë i pazëvendësueshëm dhe mbetet i tillë edhe sot.

Ai ka ftuar qytetarët që të regjistrohen deri më 6 dhjetor në faqen zyrtare: diaspora.kqz-ks.org.

“E ju që do të jeni fizikisht mes nesh, ju mirëpresim krahëhapur dhe me zemrat plot. Le ta bëjmë 28 dhjetorin ditë të bashkimit dhe të fitores sonë”, ka shkruar Krasniqi.