Ambasada e Gjermanisë në Kosovë ka nderuar sot figurën e Presidentit Ibrahim Rugova, duke rikujtuar rolin e tij si simbol i rezistencës paqësore dhe i zgjidhjes së konflikteve përmes mjeteve paqësore.

Përmes një njoftimi të publikuar në rrjetet sociale, ambasada ka bërë të ditur se ambasadori gjerman, Rainer Rudolph, ka vizituar varrin e presidentit të ndjerë Rugova, ku ka vendosur një kurorë me lule në shenjë respekti dhe mirënjohjeje për kontributin e tij në shtet formimin e Kosovës.

“Duke nderuar trashëgiminë e Presidentit Ibrahim Rugova, një avokat për rezistencën paqësore dhe zgjidhjen e konflikteve pa dhunë”, thuhet në postimin e ambasadës në Facebook.

Fotografitë e publikuara shfaqin ambasadorin Rudolph pranë varrit të Rugovës, duke kryer ceremoninë e vendosjes së kurorës.