Kombëtarja e Kosovës në futboll është renditur e 41-a në listën e UEFA-s për sa i përket “fair-play”-it.

Federata e Futbollit e Kosovës (FFK), ka vlerësuar se ky është një tjetër tregues i përkushtimit, disiplinës dhe frymës sportive në fushë.

“FFK-ja me ekipet kombëtare dhe klubet e saj janë të përkushtuara për respekt, lojë të pastër dhe sportivitet të cilat po japin rezultat. Krenarë për progresin dhe vlerat që po ndërtojmë”, është thënë në njoftimin e FFK-së.