Shtatë të arrestuar gjatë aksionit kundër korrupsionit në Kosovë

19 dhjetor 2025 | 10:49

Prokuroria Speciale e Kosovës konfirmoi se kanë arrestuar shtatë persona gjatë aksionit policor të zhvilluar në Prishtinë, nën dyshimet për korrupsion, keqpërdorim të detyrës zyrtare, dhënie dhe marrje të ryshfetit, ushtrim të ndikimit, mashtrim dhe armëmbajtje pa leje

“Gjatë këtij aksioni policor janë arrestuar: F.I., J.M., N.K., M.D., B.D., Sh.T. dhe G.L.”, tha Prokuroria Speciale mbrëmjen e 18 dhjetorit.

Sipas saj, të dyshuarit janë kapur në flagrancë gjatë shkëmbimit të parave. Ata janë dërguar në ndalim policor prej 48-orësh.

Gjatë këtij aksioni, Prokuroria tha se u sekuestruan rreth 20 mijë euro para të gatshme, armë, bizhuteri, dokumente të ndryshme dhe pajisje elektrike.

“Hetimet lidhur me këtë rast janë duke vazhduar në koordinim të plotë ndërmjet Policisë së Kosovës dhe Prokurorisë Speciale Kosovës”, u tha në njoftim.

Më herët gjatë mbrëmjes të së enjtes, Policia e Kosovës tha se ky aksion u zhvillua në disa lokacione, në bashkëpunim me Agjencinë Kosovare të Inteligjencës.

Ndërkaq, ministri në detyrë i Punëve të Brendshme, Xhelal Sveçla, tha se personat e arrestuar janë zyrtarë të lartë publikë, përfshirë një ish-ministër.

Sipas tij, aksioni kishte të bënte me procesin e shpronësimit të pronave private.

Lajme të sponsorizuara

Të Fundit
19 dhjetor11:13

ShBA-ja kërkon zbatimin e Marrëveshjes së Ohrit mes Kosovës dhe Serbisë
19 dhjetor10:49

Shtatë të arrestuar gjatë aksionit kundër korrupsionit në Kosovë
19 dhjetor10:44

Aksioni i madh në Prishtinë, Policia jep detajet e fundit
19 dhjetor10:33

77, Shahin Dervishaj merr mbështetje në Abri të Poshtme, Plluzhinë e Ticë, Morinë dhe Murgë
19 dhjetor08:15

Deputeti serb: Vuçiqi i ka kërkuar KFOR-it ta hapë rrugën për grupin e Radoiçiqit që shqiptarët të mos i vrasin
19 dhjetor08:12

Pas tensioneve në Kuvendin e Shqipërisë, pritet protestë jopaqësore
✖
Të fundit
Policia e Kosovës, përkatësisht Drejtoria për Hetimin e Krimeve Ekonomike…