Real Madrid ka dhuruar një mbrëmje spektakolare në “Santiago Bernabeu” me fitoren bindëse 6–1 ndaj Monacos, por vëmendja kryesore e ndeshjes ishte te Vinicius Junior.

Ylli brazilian ishte protagonist absolut, duke realizuar një gol dhe duke dhënë dy asistime, në një paraqitje që ka konfirmuar edhe një herë statusin e tij si një nga lojtarët më vendimtarë të futbollit evropian.

I vërshëllyer fillimisht nga një pjesë e tifozëve, Vinicius ka arritur t’i kthejë fishkëllimat në duartrokitje përmes lojës së tij elektrizuese dhe ndikimit direkt në rezultat. Përveç kontributit vendimtar në fitoren e thellë, 23-vjeçari ka shënuar edhe një arritje historike personale.

Me dy asistimet kundër Monacos, Vinicius Junior ka arritur kuotën e 30 asistimeve në Ligën e Kampionëve, duke u ngjitur në vendin e tetë në renditjen e asistuesve më të mirë të të gjitha kohërave në këtë kompeticion prestigjioz.

Ngjitja e Vinicius Junior në këtë listë elitare dëshmon jo vetëm talentin e tij individual, por edhe pjekurinë që ka fituar vitet e fundit në fanellën e Real Madridit.

Me ritmin aktual dhe moshën e re që ka, braziliani ka të gjitha mundësitë që në vitet në vijim të ngjitet edhe më lart në këtë renditje historike.

Top 10 asistuesit më të mirë në historinë e Ligës së Kampionëve:

Cristiano Ronaldo – 42 asistime

Angel Di Maria – 41 asistime

Lionel Messi – 40 asistime

Neymar – 33 asistime

Kevin De Bruyne – 31 asistime

Ryan Giggs – 31 asistime

Xavi Hernandez – 30 asistime

Vinicius Junior – 30 asistime

Thomas Muller – 30 asistime

Karim Benzema – 29 asistime