Një valë e re moti të keq, me reshje të dendura dëbore në zona të pazakonta në një shkallë të tillë, që goditi ShBA-në gjatë fundjavës shkaktoi probleme të përhapura në transport dhe komunikim.

Reshjet e dendura të dëborës shkaktuan qindra përplasje automjetesh si dhe qindra anulime fluturimesh.

Edhe pse më e keqja ka mbaruar, vala e të ftohtit pranë poleve do të vazhdojë në pjesën më të madhe të vendit sot. Madje goditi edhe Floridën, ku u regjistruan temperatura të rralla nën zero.

Në aeroportin e Orlandos, temperatura e djeshme në mëngjes ishte -4° Celsius, temperatura më e ulët e regjistruar për shkurt në më shumë se një shekull.