Agjencia Shtetërore e Arkivave e Kosovës (AShAK), në bashkëpunim me Drejtorinë e Përgjithshme të Arkivave të Shqipërisë, kanë nisur përgatitjen për organizimin e Konferencës X Mbarëkombëtare të Arkivistikës. Në rrjete sociale, AShAK-u ka publikuar këtë shkrim: “RIKUJTIM: Afati për dorëzimin e abstrakteve për Konferencën e X Mbarëkombëtare të Arkivistikës është deri më 5 prill 2026”.

Ftesën për studiues AShAK-u e ka përgatitur me ndihmën e inteligjencës artificiale, e për të ka reaguar publicisti Berat Armagedoni:

“Mos bëni shaka të tilla, ju lutem! Po bëni ftesë për konferencë shkencore, për punime shkencore, e posterin e ftesës po e punoni me AI, me dhjetëra gabime gjuhësore.

Më seriozisht merreni dhe punoni për këtë konferencë.

Nuk keni një zyrtar që shkruan një njoftim pa ndihmën e IA-së?

Një tjetër që bën një dizajn të posterit?

Një tjetër që merr përgjegjësi për këto shkarje të IA-së?”