Ministria për Punë, Familje dhe Vlera të Luftës Çlirimtare ka njoftuar të gjithë pensionistët se sot (e mërkurë) është bërë alokimi i pensioneve për pensionistët e moshës dhe atyre kontribuues.

Sipas njoftimit nga kjo ministri, numri i përfituesve të pensioneve bazike dhe kontribuuese është 272 mijë e 23.

Po ashtu, ministria ka njoftuar se ka bërë alokimin e pensioneve edhe për skemat e invalidëve të luftës dhe viktimave civile, gjithsej 14 mijë e 279 pensionistë.

“Të gjithë përfituesit e pensioneve, që nga pasditja e sotme mund t’i tërheqin në bankomatet më të afërme apo përmes familjarëve të autorizuar”, ka njoftuar Ministria për Punë, Familje dhe Vlera të Luftës Çlirimtare.