Anëtari i kryesisë së Lidhja Demokratike e Kosovës, Kujtim Shala, ka reaguar ndaj raportimeve në media se ai ka dhënë dorëheqje nga strukturat e partisë, duke i cilësuar ato si të pavërteta. Sipas tij, lajmet që e lidhin emrin e tij dhe të Gazmend Muhaxherit me largimin nga kryesia e LDK-së, për shkak të pakënaqësive të brendshme, nuk qëndrojnë, shkruan “Epoka e re”.

Shala ka thënë se, “Nëse vetëm një person do të mbetet në LDK, ai do të jem unë.” Ai, po ashtu, ka shtuar se LDK-ja po punon që në zgjedhjet e radhës të hyjë e bashkuar.