Ish-presidenti i Shqipërisë, Ilir Meta, ka njoftuar për ndarjen nga jeta të babait të tij, Rexhep Meta.

Meta ka bërë me dije se ceremonia e varrimit do të kryhet ditën e nesërme, më 2 qershor, në orën 12:00 në Çepan të Skraparit.

“Të dashur të afërm, miq dhe dashamirës, me dhimbje të thellë po ndaj me ju lajmin e trishtë, për mua dhe gjithë familjen tonë, të ndarjes nga jeta të babait tonë të mrekullueshëm, Rexhep Meta. Në respekt edhe të amanetit të tij, ceremonia e përcjelljes për në banesën e fundit do të zhvillohet, nesër, më 2 qershor, në ora 12:00, në vendlindjen e tij në Çepan të Skraparit. Ndërkohë për të gjithë miqtë dhe dashamirësit, familja do të bëjë pritjet e ngushëllimeve në datën 3 qershor në Tiranë, vendin dhe orën e saktë, do t’ju a komunikojmë në vijim”, ka shkruar Meta në “Facebook”.