Një destinacion i ri turistik është hapur në kompleksin “Belle Resort” në Belle të Deçanit, duke sjellë një kombinim të veçantë të natyrës, aventurës dhe relaksit për vizitorët.

Belle Resort tashmë është i hapur për të gjithë ata që kërkojnë të kalojnë kohë cilësore në një ambient të qetë dhe të rrethuar nga bukuritë natyrore.

Resorti ofron një fermë me kafshë, park aventurash për fëmijë dhe familje, ranch me aktivitete në natyrë, si dhe ambiente të përshtatshme për pushim dhe argëtim.

Vizitorët mund të shijojnë gjithashtu ushqime tradicionale dhe cilësore në një atmosferë të veçantë malore.

I vendosur në një zonë me pamje të mrekullueshme natyrore, resorti synon të bëhet një nga pikat më tërheqëse për turizmin familjar dhe rekreativ në rajonin e Deçanit, duke ofruar përvoja të paharrueshme për të gjitha grupmoshat.