Klasën e 9-të e përfunduan, e pas tri ditësh do ta kenë Testin e Arritshmërisë.

Veç edhe këta, njëjtë si para-universitaret, tashmë i krijuan grupet për të kopjuar, bile edhe me shkurtesa.

Në mënyrë që të mos vidhet e testi mos të shpërndahet, prindërit e tyre po kërkojnë që tashmë të anulohet tërësisht ky provim.

Sipas këshillit të prindërve, ky testim është veç stresues e pa rezultate.

Ata kanë thënë se e nënshkruan një peticion dhe e dërguan në Ministrinë e Arsimit.

As për njërën e as për tjetrën që dy muaj ata nuk kanë marrë përgjigje nga ky dikaster. E njëjtë sikurse me ta, MASHT-i veproi edhe me KlanKosovën.

Anulim i procesit jo, por ndryshim i formës së testimit po konsiderohet si zgjidhje sipas njohësve të fushës së arsimit.

Testi i Arritshmërisë do të mbahet të shtunën, ndërkaq edhe për semimaturantët vlejnë rregullat e njëjta, ndalohet përdorimi i telefonit gjatë procesit të testimit.