Kryetari i Komunës së Rahovecit, Smajl Latifi, ka kërkuar rifillimin urgjent të punimeve në Zonën Ekonomike – Parkun Industrial mbi Opterushë, duke theksuar se projekti është jetik për zhvillimin ekonomik të komunës.

Sipas tij, kërkesa është e qartë: të rifillojnë punimet në sipërfaqen prej 34.89 hektarësh të Parkut Industrial ose kompetencat për realizimin e projektit t’i kalohen Komunës së Rahovecit.

Latifi theksoi se bizneset e Rahovecit kanë nevojë për hapësirë dhe mbështetje për t’u zgjeruar, për të investuar dhe për të krijuar vende të reja pune.

“E përsërisim: urgjentisht, duam veprime konkrete. Boll më me vonesa, sepse zhvillimi ekonomik nuk mund të mbahet peng pafundësisht”, ka shkruar Latifi në “Facebook”.