Dy cisterna nafte të Emirateve të Bashkuara Arabe, Al-Bahiya dhe Mombasa, u goditën me raketa iraniane në sektorin jugor të Ngushticës së Hormuzit. Anijet ndodheshin në ujërat territoriale të Omanit në momentin e sulmit.

Ministria e Mbrojtjes e Emirateve konfirmoi se për pasojë ndërroi jetë një detar indian, pjesëtar i ekuipazhit në bordin e cisternës Mombasa.

Në një deklaratë të shpërndarë në kanalin zyrtar të Telegramit, Korpusi i Gardës Revolucionare Islamike të Iranit (IRGC) njoftoi se kishte “goditur dhe neutralizuar” dy supertankerë. Autoritetet iraniane i etiketuan këto mjete lundruese si “anije rebele”.

Sipas sqarimit të IRGC-së, cisternat kishin çaktivizuar pajisjet e lundrimit dhe kishin injoruar urdhërat e dhëna nga forcat iraniane. Më tej, ato kishin tentuar të përshkonin një korridor detar që ishte i minuar, pretenduan Gardistët.

Megjithatë, në reagimin e tyre, IRGC nuk përmendi emrat e anijeve që pretendojnë se sulmuan, as flamurin nën të cilin ato lundronin apo orarin e saktë të goditjes.