Përhapja e Ebolës në Republikën Demokratike të Kongos po përkeqësohet, ndërsa Organizata Botërore e Shëndetësisë paralajmëron se shpërthimi mund të jetë ndër më të rëndët në histori.

Sipas të dhënave të OBSH-së, deri më 21 korrik janë regjistruar mbi 2.500 raste dhe rreth 1.000 viktima. Mbi 100 punonjës shëndetësorë janë infektuar, ndërsa 35 kanë humbur jetën.

Punonjësit shëndetësorë thonë se prej muajsh nuk kanë marrë paga, përballen me mungesë pajisjesh mbrojtëse dhe shpesh sulmohen nga banorë që nuk besojnë në ekzistencën e virusit.