Ministria e Brendshme e Shqipërisë ka shpallur “non grata” edhe dy shtetas të tjerë për veprimtari të dyshimta ndaj shtetit shqiptar.

Sipas burimeve të “Top Channel”, të padëshiruar janë shpallur dy shtetas nga Maqedonia e Veriut, ndaj të cilëve ka të dhëna për veprimtari në dëm të shtetit shqiptar.

Vendimi raportohet se është marrë pas propozimit të njësisë antiterror të Policisë së Shtetit, ndërsa është konfirmuar nga Ministria e Brendshme, e cila ka shpallur “non grata” Valon Beljan, ose Valjon Belën, dhe Bekir Halimin, të dy me shtetësi të Maqedonisë së Veriut.

Disa javë më parë, Ministria e Brendshme vendosi të shpallë “non grata” edhe shtetasen e Kosovës, Ikballe Hudutin, duke i ndaluar hyrjen në Shqipëri për një periudhë prej 15 vitesh.