Kampionia e Kosovës, FC Drita, do të synojë sonte sigurimin e fazës së “play-off”-it të Ligës së Konferencës.

Bardhekaltrit e mposhtën Tre Fiorin në udhëtim me rezultat 4:1, në ndeshjen e parë të rrethit të tretë kualifikues.

Kështu, gjilanasit do të kërkojnë konfirmimin në ndeshjen e kthimit, e cila do të zhvillohet sonte, për t’iu afruar edhe më shumë fazës së ligës në këtë garë.

Ndeshja do të nisë në orën 20:00 në stadiumin “Fadil Vokrri” në Prishtinë.

Drita është skuadra e vetme kosovare që ka mbetur ende në garat evropiane.