Rikthehet fuqishëm Madonna në qendër të vëmendjes, duke dëshmuar edhe një herë se ikona e popit nuk njeh moshë dhe as rivalitet.

Madonna kryeson listën e nominimeve për MTV Video Music Awards 2026 me plot 11 kandidatura, duke lënë pas Taylor Sëift, e cila këtë vit ka marrë nëntë nominime.

Mes kategorive më të rëndësishme ku garon Madonna është edhe çmimi për Videon e Vitit, me “Confessions II – The Film”.

Në këtë kategori përballë saj është edhe Taylor Swift me “The Fate of Ophelia”, këngë nga albumi i saj më i fundit, “The Life of a Showgirl”.

Për Madonna-n, nominimet e këtij viti janë një tjetër dëshmi e ndikimit dhe jetëgjatësisë së saj në muzikën botërore. Ajo ka fituar deri tani 20 trofe MTV VMA, duke mbetur një prej emrave më të rëndësishëm në historinë e ceremonisë.

Por edhe Taylor Swift vazhdon të shkruajë historinë e saj. Ajo dhe Beyoncé kryesojnë listën e artisteve me më shumë fitore në historinë e VMA-ve, me nga 30 trofe secila.

Në garë janë edhe Ariana Grande dhe Sabrina Carpenter, të cilat kanë siguruar nga shtatë nominime. Grande fitoi vitin e kaluar çmimin për Videon e Vitit.

Këtë vit, publiku do të ketë një rol të rëndësishëm, pasi mund të votojë online në 13 kategori.