Ismet Sylejmani

Është e papranueshme dhe turpëruese që rruga e Nënës së UÇK-së, Stanë Pjetër Gashit, vazhdon të mbetet e paasfaltuar!

Kjo gjendje dëshmon neglizhencën e Komunës së Lipjanit dhe mungesën e përgjegjësisë së Kryetarit të saj, z. Imri Ahmeti!

Për Nënën Stanë janë thënë shumë fjalë mirënjohjeje dhe janë organizuar nderime të shumta, por Komuna e Lipjanit ende nuk e ka përmbushur një detyrim kaq të domosdoshëm, atë të rrwgullimit të rrugës së Shtëpisë Bazë të UÇK-së!

Nderimi nuk dëshmohet vetëm me fjalime, fotografi, dekorata e premtime, por me punë dhe vepra konkrete!

Kryetari i Komunës së Lipjanit Imri Ahmeti duhet të dalë nga heshtja dhe të tregojë përse kjo rrugë vazhdon të lihet në këtë gjendje të mjerë!

Komuna e Lipjanit duhet ta asfaltojë pa asnjë vonesë tjetër!

Kjo nuk është kërkesë për privilegj, por detyrim institucional dhe shenjë elementare respekti ndaj Nënës së UÇK-së dhe kontributit të saj e të familjes së saj të jashtëzakonshëme kombëtare!

Nëna Stanë këtë vit i mbush 80 vjet!

As 80-vjetori i saj dhe, fatkeqësisht, as vdekja, kurdo që të vijë, nuk do të duhej ta gjenin rrugën e Nënës së UÇK-së të paasfaltuar!

Komuna e Lipjanit dhe Kryetari Imri Ahmeti duhet të veprojnë sot, sepse nesër mund të jetë tepër vonë!

Prishtinë, 9 Shtator 2026!