Seanca konstituive e Kuvendit të Kosovës është shtyrë për të premten në orën 11:00.

Kështu ka njoftuar kryetarja e Kuvendit, Albulena Haxhiu.

Kjo erdhi pasi deputeti i Listës Serbe, Igor Simiq, propozoi Slavko Simiqin për nënkryetar të Kuvendit, duke thënë se këtë po e bën “në emër të popullit serb”.

Përveç Haxhiut, e cila është zgjedhur kryetare e Kuvendit, asnjëri nga nënkryetarët e propozuar nga partitë nuk është zgjedhur në këtë pozitë.

Ndryshe, Vetëvendosja ka propozuar Ardian Golën për nënkryetar të Kuvendit.

Partia Demokratike e Kosovës ka propozuar Vlorë Çitakun.

Lidhja Demokratike e Kosovës ka propozuar Kujtim Shalën.

Ndërsa deputetët nga komunitetet joshumicë kanë propozuar Slavko Simiqin dhe Emilija Rexhepin.