Sheshi “Skënderbeu” në Prishtinë është mbushur me qytetarë që po marrin pjesë në protestën e thirrur nga Organizata e Veteranëve të Luftës së UÇK-së.

Protesta po zhvillohet me moton “Në mbrojtje të UÇK-së”, ndërsa pjesëmarrësit po shprehin qëndrimet e tyre kundër aktgjykimit ndaj ish-krerëve të UÇK-së në Hagë.

Në mesin e mesazheve të përcjella nga protestuesit është edhe “Jo në emrin tim!”, përmes së cilit ata shprehin qëndrimin se aktgjykimi nuk është dhënë në emër të popullit të Kosovës.