Ish-këshilltari i Wesley Clark gjatë luftës në Kosovë, britaniku John Duncan, ka reaguar lidhur me protestat që po zhvillohen në Prishtinë pas vendimit të Dhomave të Specializuara në Hagë.

Duncan, i cili ka dëshmuar në Hagë në kuadër të mbrojtjes, ka thënë se pakënaqësia e shprehur pas vendimit gjyqësor ka çuar në protesta të njëpasnjëshme në Prishtinë, ndërsa ka përmendur edhe rikthimin e thirrjeve për bashkim me Shqipërinë.

“Pakënaqësia popullore lidhur me vendimet ka çuar në gjashtë ditë protestash në Prishtinë dhe në thirrje të përtërira për bashkimin e shqiptarëve. Pasojat e këtij rasti po bëhen gjithnjë e më serioze”, ka shkruar Duncan.

Ai ka vlerësuar se zhvillimet pas vendimit të Hagës po marrin përmasa gjithnjë e më serioze, duke iu referuar reagimeve dhe protestave të ditëve të fundit.