Lionel Messi po i afrohet asaj që pritet të jetë lamtumira nga Kombëtarja e Argjentinës, ndërsa ndeshja ndaj Beninit më 6 tetor pritet të jetë paraqitja e tij e fundit me fanellën e “Albiceleste”.

Megjithatë, trajneri i Argjentinës, Lionel Scaloni, ka lënë të hapur mundësinë që Messi të luajë edhe në miqësoren ndaj Burkina Fasos.

“Sigurisht që presim që Messi t’i bashkohet grumbullimit të dielën, pas ndeshjes kundër Burkina Fasos. Nëse dëshiron të luajë edhe më 3 tetor, nuk ka asnjë problem!”, ka deklaruar Scaloni në konferencë për shtyp, përcjell “Gazeta Express”.

Fakti që Messi ka këtë mundësi lidhet me karakterin miqësor të ndeshjeve. Argjentina do të përballet me Burkina Fason më 3 tetor, ndërsa më 6 tetor do të luajë ndaj Beninit, ndeshje në të cilën pritet të bëhet edhe lamtumira zyrtare e Messit nga Kombëtarja.

Ndërkohë, Argjentina do të përballet me Bolivinë sonte.