Ministri i Mbrojtjes, Ejup Maqedonci, ka bërë të ditur se Policia Ushtarake e Forcës së Sigurisë së Kosovës (FSK) ka përfunduar me sukses Kursin për Mbrojtje të Afërt, të realizuar në bashkëpunim me Policinë Ushtarake Gjermane.

Sipas Maqedoncit, trajnimi ka ndihmuar në avancimin e aftësive profesionale dhe operacionale të pjesëtarëve të FSK-së, në përputhje me standardet e larta ndërkombëtare.

Ai theksoi se bashkëpunimi me Gjermaninë po kontribuon në forcimin e kapaciteteve dhe profesionalizmit të FSK-së.