Deputetja britanike, Alicia Kearns, ka shprehur shqetësim për zhvillimet e fundit në Serbi, duke kërkuar nga autoritetet serbe të garantojnë sigurinë e qytetarëve dhe të parandalojnë çdo formë të frikësimit.

Përmes një reagimi, Kearns i ka cilësuar pamjet që vijnë nga Serbia si thellësisht shqetësuese, duke paralajmëruar se frika po rritet.

“Qeveria ka detyrimin t’i mbajë të gjithë qytetarët të sigurt dhe të sigurojë që të mos krijohet një klimë frikësimi apo të përdoren kërcënimet ushtarake kundër qytetarëve”, ka deklaruar ajo transmeton Klankosova.tv.

Deputetja britanike u ka bërë thirrje edhe Qeverisë së Mbretërisë së Bashkuar dhe Bashkimit Evropian që të angazhohen për ruajtjen e paqes dhe të sigurojnë se autoritetet serbe e kuptojnë rëndësinë e saj.

“Qeveria e Mbretërisë së Bashkuar dhe Bashkimi Evropian duhet të sigurojnë që qeveria serbe të mos ketë asnjë dyshim se paqja duhet të ruhet”, ka theksuar Kearns.

Ajo ka kërkuar që siguria e qytetarëve të mbetet prioritet dhe që zhvillimet në Serbi të mos çojnë në përshkallëzim të situatës apo në krijimin e një klime frikësuese.