Zyrtari i Lidhjes Demokratike të Kosovës (LDK), Muhamet Hamiti, ka kritikuar Lëvizjen Vetëvendosje (LV), duke e akuzuar për mungesë përgjegjësie për qeverisjen dhe dështimet e saj.

Hamiti ka thënë se, kur ishte në opozitë, LV-ja ia atribuonte qeverisë përgjegjësinë për gjithçka, ndërsa tani që është në pushtet, fajin për dështimet ua lë qeverive të mëparshme.

Sipas tij, LV-ja e ka marrë pushtetin për të përfituar nga privilegjet që ai ofron, por jo për të mbajtur përgjegjësi ndaj vendit dhe qytetarëve.

“LV-ja e ka marrë qeverinë për të marrë privilegje të pushtetit, por jo përgjegjësi për vendin dhe qytetarët e tij. Përgjegjësinë dhe fajin i kanë të tjerët, duke përfshirë votuesit e saj”, ka shkruar Hamiti në “Facebook”.

Ai e ka cilësuar LV-në si të papërgjegjshme si në opozitë, ashtu edhe në pushtet.

“Të papërgjegjshmit nuk mbajnë përgjegjësi për asgjë”, ka shkruar Hamiti.