Nga ruajtja e freskisë së ushqimeve të blera për javën deri te lehtësimi i pastrimit të kuzhinës, pajisjet shtëpiake Samsung tregojnë se si vlera mund të jetë pjesë e jetës së përditshme. Një studim i ri sugjeron se ajo që e bën një blerje të vlefshme shkon përtej çmimit të paguar në arkë, pasi besueshmëria, kostot e përdorimit dhe komoditeti i përditshëm ndikojnë në mënyrën se si evropianët e përkufizojnë vlerën.

Një blerje e mirë e dëshmon vlerën e saj përmes rutinave që përsëriten çdo javë. Me afrimin e Black Friday 2026, ia vlen të mendojmë se cilat pajisje mund ta bëjnë jetën në shtëpi më të lehtë edhe shumë kohë pas përfundimit të sezonit të blerjeve. Studimi i SmartLabX, një program i dedikuar kërkimor që analizon stilin e jetesës së familjeve evropiane dhe pritshmëritë e tyre ndaj teknologjisë që i rrethon, tregon se konsumatorët kanë një qasje të re ndaj vlerës dhe nuk e vlerësojnë më atë vetëm përmes çmimit[1].

Vlera jo vetëm sot, por edhe në të ardhmen

Një frigorifer nuk blihet vetëm për një rast të caktuar. Ai duhet të përballojë furnizimet e rregullta me ushqime, të ofrojë hapësirë për përbërësit kur presim miq dhe familjarë, si dhe t’u përshtatet ndryshimeve dhe rritjes së familjes, qoftë për të mbajtur qumështin të freskët, qoftë për të ruajtur ushqimet për tri gjenerata të një familjeje. Të menduarit për këto situata të zakonshme na ndihmon të zgjedhim një pajisje që do të jetë e dobishme gjatë gjithë vitit.

Në disa modele të frigoriferëve Samsung, teknologjia Twin Cooling Plus™ përdor qarkullime të pavarura të ajrit të ftohtë për të optimizuar temperaturën dhe lagështinë në ndarjen e frigoriferit dhe atë të ngrirësit. Kjo ndihmon në ruajtjen e freskisë së ushqimeve për më gjatë dhe parandalon përzierjen e aromave[2]. Për ata që preferojnë t’i planifikojnë vaktet paraprakisht, kjo do të thotë se frigoriferi ndihmon në ruajtjen e përbërësve nga momenti i blerjes deri në mbrëmjen e radhës, kur vjen koha për të gatuar. Është një përfitim praktik që bëhet pjesë e ritmit të përditshëm të kuzhinës.

Mes konsumatorëve evropianë që blejnë frigoriferë, 36% e konsiderojnë besueshmërinë dhe jetëgjatësinë si faktorë të rëndësishëm, një përqindje pothuajse e barabartë me 37% të atyre që vlerësojnë çmimin si faktor të rëndësishëm[3]. Pra, rëndësi nuk ka vetëm sa kushton një pajisje, por edhe sa mirë u shërben njerëzve që e përdorin.

Efikasitet energjetik që i përshtatet rutinës javore

Meqenëse në shumë familje lavatriçja përdoret disa herë në javë, konsumi i energjisë është një faktor kyç në vlerësimin e vlerës së një pajisjeje, veçanërisht në kushtet e rritjes së vazhdueshme të kostos së jetesës. Efikasiteti energjetik është veçoria më e rëndësishme për blerësit e frigoriferëve 37%, ndërsa për lavatriçet renditet në vendin e dytë 32%[4]

Larja e çarçafëve për mysafirët që do të qëndrojnë në shtëpi mund të presë, por rrobat që duhen për ditën e nesërme të punës ose uniformat shkollore të fëmijëve shpesh kërkojnë zgjidhje të menjëhershme. Zgjedhja e programit sipas kohës në dispozicion mund të na ndihmojë të përfshijmë më lehtë zakone që kursejnë energji në rutinën javore.

Modaliteti AI Energy në aplikacionin SmartThings e mundëson këtë në lavatriçet Samsung të përputhshme dhe në programet e përzgjedhura, duke reduktuar konsumin e energjisë përmes larjes në temperatura më të ulëta dhe zgjatjes së kohëzgjatjes së programit. Kur nuk jemi me nxitim, ky modalitet ofron një mënyrë për të menaxhuar konsumin e energjisë pa ndryshuar ndjeshëm rutinën e zakonshme të larjes së rrobave.

Për një përditshmëri pak më të lehtë

Jeta është plot angazhime, ndërsa pajisjet që ofrojnë vlerën më të madhe janë ato që u mundësojnë konsumatorëve të shpenzojnë më pak kohë për punët rutinë dhe më shumë kohë për gjërat që u sjellin kënaqësi. Në kuzhinë, shpesh rëndësi ka ajo që ndodh pas përfundimit të vaktit. Në të gjithë Evropën, 81% e konsumatorëve[5] shprehen se janë të gatshëm të paguajnë më shumë për furra që pastrohen automatikisht.

Pasi përgatisim një vakt të bollshëm familjar ose një darkë për miqtë, pastrimi i furrës me fërkim nuk është pikërisht detyra që dikush do të dëshironte të bënte. Funksioni i pastrimit pirolitik në disa furra Samsung i shndërron yndyrat dhe mbetjet e ushqimit në hi, i cili mund të fshihet lehtësisht pasi furra të jetë ftohur. Kjo e bën pastrimin më pak të lodhshëm dhe gatimin në shtëpi më të lehtë, nga fillimi deri në fund.

Në Samsung, e kuptojmë se sa e ngarkuar mund të jetë jeta e përditshme. Prandaj, ne krijojmë pajisje që ndihmojnë për ta bërë atë pak më të lehtë.

Zgjedhje që i përshtaten jetës së përditshme

Në këtë sezon të Black Friday, një pikënisje e mirë është të mendoni për një javë të zakonshme në shtëpi. Merrni parasysh vaktet që përgatisni, rrobat që lani, sasinë e ushqimeve që duhet të ruani dhe punët e përditshme ku do t’ju ndihmonte pak më shumë lehtësi.

Kursimi më i madh nuk vjen domosdoshmërisht nga pajisja me çmimin më të ulët. Vlera e vërtetë qëndron te zgjedhja e produkteve që ofrojnë performancë të qëndrueshme, mbështesin një përditshmëri më efikase dhe e bëjnë jetën pak më të lehtë. Pajisjet shtëpiake Samsung ndihmojnë në përmbushjen e këtyre nevojave të përditshme dhe sjellin vlerë në momentet që vazhdojnë shumë kohë pas përfundimit të sezonit të blerjeve, duke kontribuar në një jetë më të mirë.

[1] SmartLabX (burim i jashtëm) | Udhëtimi i blerjes së pajisjeve shtëpiake (DA Purchase Journey) | Mbretëria e Bashkuar, Polonia dhe Italia | Mars 2026 | 899 të anketuar.

[2] Më shumë informacion rreth kësaj teknologjie gjendet në: Samsung Newsroom – Twin Cooling Plus™ Technology

[3] SmartLabX (burim i jashtëm) | Udhëtimi i blerjes së pajisjeve shtëpiake (DA Purchase Journey) | Mbretëria e Bashkuar, Polonia dhe Italia | Mars 2026 | 899 të anketuar.

[4] SmartLabX (burim i jashtëm) | Udhëtimi i blerjes së pajisjeve shtëpiake (DA Purchase Journey) | Mbretëria e Bashkuar, Polonia dhe Italia | Mars 2026 | 899 të anketuar.

[5] SmartLabX (burim i jashtëm) | Udhëtimi i blerjes së pajisjeve shtëpiake (DA Purchase Journey) | Mbretëria e Bashkuar, Polonia dhe Italia | Mars 2026 | 899 të anketuar.