Arben Mustafa: Mosrespektimi i afateve ligjore nga KPMM-ja krijon pasiguri juridike për investitorët

18 nëntor 2026 | 11:02

Kryetari i Komisionit për Ekonomi, deputeti Arben Mustafa, ka ngritur shqetësimin për mosrespektimin e afateve ligjore nga Komisioni i Pavarur për Miniera dhe Minerale (KPMM) në trajtimin e aplikimeve të investitorëve për licenca të hulumtimit të mineraleve.

Mustafa ka bërë të ditur se kjo çështje është diskutuar në Komisionin për Ekonomi, gjatë shqyrtimit të Raportit Vjetor të KPMM-së.

Sipas tij, mosrespektimi i afateve ligjore krijon pasiguri juridike, dëmton klimën e investimeve dhe hap rrugë për praktika të arbitraritetit institucional.

Ai ka theksuar se Komisioni për Ekonomi do të vazhdojë mbikëqyrjen institucionale, duke kërkuar llogaridhënie për zbatimin e ligjit dhe trajtim të barabartë për të gjithë investitorët.

Lajme të sponsorizuara

✖
Të fundit
Ish-kryetari i Kuvendit të Kosovës dhe njëri nga ish-drejtuesit e…