Kryetari i Kuvendit të Kosovës dhe kryetari i PDK-së, Kadri Veseli ka thënë se taksa e ka pasur efektin e saj dhe se ajo nuk duhet të bëhet pengesë në marrëdhëniet me miqtë tanë.

“Taksa e ka arritur efektin e saj. Në momentin që bëhet për konsum të brendshëm dhe në momentin që bëhet pengesë në marrëdhëniet me SHBA-në, është bërë e pakuptimtë, edhe pse ndaj Serbisë është pak të vihet taksë edhe 1000%”, ka thënë Veseli për “RTK”-në dhe ka shtuar se nuk mund të dalim kundër miqve tanë.

Veseli ka qenë kritik edhe ndaj punësimit të familjarëve të zyrtarëve të lartë të shtetit.