Me rastin e Ditës Botërore të Energjisë, Instituti për Politika Zhvillimore – INDEP ka shpalosur prioritetet që sipas tyre duhet t’i ketë qeverisja e re në sektorin e energjisë.

Me këtë rast është kërkuar që qeveria e ardhshme ta ndërpres kontratën për ndërtimin e termocentralit “Kosova e Re”.

Përfaqësuesja e INDEP-it, Learta Hollaj duke folur për rëndësinë e tranzicionit të energjisë paraqiti nevojën për dekarbonizimin e energjisë. Teksa ka kërkuar edhe ndryshim të legjislacionit aktual për t’ia lehtësuar investimet në sektorin e energjisë. “Tranzicioni i energjisë ka qëllim largimin e lëndëve fosile. Masa e parë që duhet të marrë qeveria e re është ndërprerja e kontratës për termocentralin

‘Kosova e Re’. Mënyra si e shohim ne tutje zhvillimin e energjisë është në mënyrë të integruar, si hap përtej së ndërprerjes së kontratës së Kosovës së Re, duhet të fokusohemi tek masat e efeçiente të energjisë. Në aspektin e efeçientës së energjisë duhet të fokusohemi tek humbjet në rrjetin elektrik. Hap tjetër është bashkëpunimi rajonal, tek rrjeti i interksionit mes Kosovës dhe Shqipërisë dhe liberalizimi i tregut të energjisë”, ka deklaruar ajo.

Ndërkaq, hulumtuesi Dardan Abazi ka folur për prioritetet që duhet t’i ketë qeverisja e ardhshme. “Ne konsiderojmë se ndërprerja e kësaj kontrate është mundësia për t’i hapur tregut të energjisë, sepse me këtë nuk ka as liberalizim të tregut. Koha e centraleve të mëdha ka kaluar, është koha të kemi një qasje të decentralizimit të energjisë. Kur jemi tek kjo sfida e dytë për neve është përkushtimi i qeverisë së ardhshme për një tranzicion energjikë për të dekarbonizuar energjinë. Investimet siç janë në efçiencë të gjitha këto do të kërkojnë fuqi punëtore dhe zhvillim ekonomik”, ka thënë Abazi.