Lidhja Demokratike e Kosovës (LDK) ka marrë një propozim të ri nga Lëvizja Vetëvendosje për të arritur marrëveshjen për bashkëqeverisje.

Por propozimi i ri sipas zëdhënësit të LDK-së, Besian Mustafa, ka pak të reja nga propozimi i mëparshëm i Vetëvendosjes.

Ai ka thënë se këtë propozim të ri do ta shqyrtojnë në ditët e ardhshme.

“Dje nga LV-ja kemi pranuar një propozim shumë të ngjashëm me atë të paraqitur nga ta në takimin e fundit të javës së kaluar, me disa ndryshime të vogla, të cilat do të shqyrtohen në ditët në vijim”, ka thënë Mustafa.