Kryetari i Komunës së Prishtinës, Shpend Ahmeti, ka folur për rihapjen e çerdheve në kryeqytet, pasi Qeveria e Kosovës ka vendosur të martën që përgjegjësinë për hapjen e çerdheve t’ia lërë komunave.

“Komuna e Prishtinës synon hapjen e tyre por me kushte të caktuara për të cilat do të ju njoftojmë ditëve në vijim. Meqenëse e premte është Bajram, sipas të gjitha gjasave rihapja me kushte do të lejohet nga e hëna, 3 gusht 2020”, ka bërë të ditur Ahmeti, nëpërmjet një shkrimi në Facebook.

“Në ndërkohë presim përgjegjësi nga secili prind jo vetëm për fëmijët e tyre. Moslajmërimi i infeksionit në familje do të rezultojnë në ndëshkime. Por, për të gjitha detajet, do të ju lajmërojmë me kohë. Falemnderit për mirëkuptim!”, është shprehur Ahmeti.