Punëtorët e ndërmarrjes “IMN Kosova”, kanë protestuar të enjten para ndërtesës së Qeverisë për mospagesën e 20 % pas privatizimit.

Në vend të kryeministrit Avdullah Hoti punëtoret e “IMN Kosova”, i priti Ahmet Isufi.

Për kërkesën e tyre për të marr 20 %, Isufi ju tha që duhet të presin kthimin e kryeministrit nga izolimi.

Të paktën kështu e interpretoj Emin Neziri përfaqësues i protestuesve.

Ai ka thënë se për të marr 20 %, duhet nënshkrimi i Qeverisë për shpronësim. “U takuam me Ahmet Isufi ata na premtuan që brenda një javë kanë me përfunduar. 120 punëtorë janë tu prit. Për shkak të shpronësimit nuk po i japin 20 %.  Një nënshkrim i Qeveris duhet për shpronësim”, ka thënë Idrizi, raporton “EO”.

E kjo i revoltoj protestuesit. Ata nuk u pajtuan që në takim i priti Ahmet Isufi, ndërsa thanë se nuk presin ndonjë ndihmë.

Ismet Hasani, pjesëmarrës në protestë tha se qeveritarët po mundohen të përfitojnë në krah të tyre.