Pak orë pasi u përshëndet me skuadrën e Manchester City, David Silva është zyrtarizuar në La Liga.

Mesfushori spanjoll ka nënshkruar me skuadrën e Real Sociedad. Silva ishte afër marrëveshjes me Lazio, por duket se gjithçka ka ndryshuar në minutat e fundit.

Silva ka nënshkruar marrëveshje të vlefshme deri në vitin 2022. Ai kaloi te skuadra e Sociedad si transfer i lirë, pasi kontrata me Man City ishte e skaduar. Transferimi i Silva te Sociedad vjen si befasi, pasi lojtari veçse kishte marrëveshje personale me Lazio për kontratë tri vjeçare, madje thuhet se ishin caktuar edhe testet mjekësore.