![](https://www.epokaere.com/wp-content/uploads/2020/11/komiteti.jpg)
Gjilani në pritje të rezultateve të Covid-19 për 349 persona
Komiteti i Gjilanit për menaxhimin dhe parandalimin e përhapjes së COVID-19, nën udhëheqjen e drejtorit të Shëndetësisë, Selami Xhemaili, ka mbajtur mbledhjen e radhës për vlerësimin e situatës me virusin.
I pari i shëndetësisë në këtë qytet, Selami Xhemaili, ka bërë me dije se 349 mostra janë në pritje në këtë komunë për rezultat të testit për COVID-19.
Në emër të Komitetit, ai ka apeluar të gjithë qytetarët dhe bizneset që t’i respektojnë rekomandimet për parandalimin e përhapjes së virusit, që është bartja e maskave, mbajtja e distancës dhe higjienës personale.
Gjendja e përgjithshme në Gjilan me koronavirus është si vijon: 1 707 raste pozitive në total, 1 270 të shëruar, 380 raste aktive, 57 të vdekur, 39 të hospitalizuar dhe 349 mostra në pritje për rezultat.