Zhduket 28-vjeçari nga Malisheva
Një 28-vjeçar nga komuna e Malishevës është zhdukur.
Bëhet fjalë për Jetmir Rudin, nga fshati Rud.
Lajmin për “Klan Kosova” e ka konfirmuar kushëriri i tij, Nijazi Rudi.
Rudi ka thënë se i riu është larguar nga shtëpia e tij dje rreth orës 17:00.
“Ai ka dalë nga shtëpia e tij dje në ora 17:00 dhe nuk është kthyer deri tash. Sipas nënës së tij Jetmiri i ka thënë asaj se po del për të ecur afër një lumit që e kemi këtu afër”, ka thënë ai.
Sipas tij rasti është paraqitur edhe në Policinë e Kosovës.
“Po, rastin e kemi paraqitur edhe në polici. Policia ishte para 30 minutave, i mori disa shënime edhe shkoi. Po presim”, është shprehur ai.
Kushëriri i 28-vjeçarit, ka thënë se Jetmiri kishte herë pas here edhe disa shqetësime.
“Që një kohë ai ka pasur shqetësime. Edhe nëna e tij më ka thënë që kur ka dalë ka qenë i shqetësuar”, ka thënë ai.
Të gjithë ata që kanë informacione lidhur me vendndodhjen e tij mund të telefonoj në numrin e telefonit:
044/ 204 484.