Djali i heroit nga Malisheva në listën e AAK-së për deputet

06 janar 2021 | 00:27

Shefi i Grupit Parlamentar të AAK-së, Daut Haradinaj ka pritur në takim djalin e heroit Hamdi Berisha, Kastriotin.

Haradinaj përmes një postimi në rrjetin social Facebook, ka bërë të ditur se Kastriot Berisha do t’i bashkohet listës së AAK-së për deputet në zgjedhjet e parakohshme.

“Kandidatura e tij për deputet nga radhët e AAK-së, është vlerë për Kosovën”, ka shkruar Haradinaj. Ndër të tjera, Haradinaj ka treguar për angazhimet e Kastriotit në sferën ekonomike dhe politike, duke i uruar suksese atij si kandidat i AAK-së për deputet në Kuvendin e Kosovës.

Njoftimi i plotë i Haradinajt:

Në listën e AAK-së do të jetë edhe Kastrioti, djali i heroit Hamdi Berisha nga Malisheva.
Kastrioti njihet për angazhimin e tij në sferën ekonomike dhe politike, duke qenë njëri ndër djemtë që mbanë pishtarin e babait të tij.
Kandidatura e tij për deputet nga radhët e AAK-së, është vlerë për Kosovën. Trashëgimia jonë kombëtare, nuk do të mbetet jashtë orbitës sonë për asnjë çmim.

Suksese ty Kastriot dhe Malishevës, sikurse mbarë Kosovës!