Kadetja e Forcës së Sigurisë së Kosovës (FSK), Ilirianë Bunjaku është shpërblyer me çmimin “Shpata Ndërkombëtare”,  e cila i jepet kadetit me performancën më të lartë nga Akademia Ushtarake e Britanisë së Madhe.

Ish-ministrja e Jashtme, Meliza Haradinaj-Stublla, ka shpërndarë një fotografi nga momenti kur Bunjaku nderohet me këtë çmim.

“Krenari, emocion, inspirim të shohim kadeten e FSK-së, Ilirianë Bunjaku tek i prezantohet shpërblimi i nderit për demonstrim të qëndrueshmërisë fizike, guxim, dhe aftësi të vërteta lidershipi”, ka shkruar Haradinaj-Stublla në llogarinë e vet në “Facebook”.