Trajneri i Olympique Marseille, Rudi Garcia ka analizuar humbjen e skuadrës së tij nga Atletico Madrid me rezultat 3-0, në finalen e Ligës së Evropës.

Ai u ankua se lëndimi i yllit, Dimitri Payet bëri që skuadra e tij të humb inspirimin në fushën e lojës.

“Lëndimi i Payet luajti rol vendimtar. Por, mes nesh dhe Atleticos nuk ka krahasim sa i përket përvojës, ne jemi të rinj dhe sonte kemi mësuar diçka. Jam prapë i kënaqur nga ky rrugëtim, do të provojmë edhe vitin tjetër”, ka thënë Garcia.