Edhe një javë mbyllet afati kalimtar. Juventusi ende nuk e di nëse do të jetë në gjendje të llogarisë te Cristiano Ronaldo apo jo për këtë sezon.

Ajo që pritej ka ndodhur: rezultati i efektit të mundshëm domino, me Kylian Mbappe si protagonist, ka zgjatur deri në javën e fundit të tregut të transferimeve.

Portugezi është ende një opsion për Paris Saint-Germainin në rast se Kylian largohet në drejtim të Realit të Madridit. Përveç kësaj, ‘biankonerët’, prej muajsh, kanë zgjedhur Gabriel Jesus të Manchester Cityt si zëvendësues i mundshëm i yllit portugez. Por, “Qytetarët” kanë një prioritet: Harry Kane.

Negociatat me Tottenhamin janë shumë të komplikuara, dhe Ronaldo përfaqëson një alternativë për Pep Guardiolan. Në fakt, tashmë ka pasur kontakte, por nuk ka asgjë konkrete.