Rreth 600 punonjës të kompanisë ajrore amerikane United Airlines po përballen vendimin për largim nga puna pasi nuk respektuan politikën e kompanisë për vaksinimin kundër COVID-19.

Pjesa dërrmuese e 67 mijë punëtorëve të kësaj kompanie amerikan kanë ofruar dëshmi të vaksinimit, e cila u kërkua të hënën.

Drejtuesit e kompanisë ajrore amerikane United Airlines thanë se vendimi për të larguar nga puna punëtorët e pa vaksinuar ishte i vështirë. Kompania ajrore me bazë në Çikago përcaktoi kërkesat për stafin e saj në luftën kundër COVID në muajin gusht. Punonjësit amerikanë duhej të dëshmonin dokumentin e vaksinimit, të paktën me një dozë deri të hënës. 593 punëtorët që kanë refuzuar të vaksinohen kundër koronavirusit tani po përballen me humbjen e vendit të punës.

“Arsyetimi ynë për të kërkuar vaksinën për të gjithë punonjësit e kompanisë United Airlines në SHBA ishte i thjeshtë – për t’i mbajtur njerëzit tanë të sigurt dhe e vërteta është kjo: të gjithë janë më të sigurt kur të gjithë vaksinohen, dhe kërkesat për vaksinë funksionojnë,” tha shefi ekzekutiv i kësaj kompanie Scott Kirby dhe presidenti Brett Hart. “Ky ishte një vendim tepër i vështirë, por ruajtja e shëndetit të ekipit tonë ka qenë gjithmonë prioriteti ynë” thanë ata.

Sikurse shumë kompani në sektorin e aviacionit, United Airlines u godit rëndë nga kufizimet e udhëtimit të lidhura me pandeminë. Në kulmin e krizës, kompania kishte njoftuar se do të detyrohet të largojnë nga puna rreth 36 mijë punonjës. Por megjithatë kompania mohoi, se politika e saj e vaksinave do të ndikonte në rekrutimin e stafit të ri në të ardhmen, megjithëse vaksinimi do të jetë një kusht i punësimit për stafin e ri.