Policia e Nju Jorkut ka publikuar disa pamje ku një grua shihet duke u ngritur nga një ulëse dhe duke shtyrë një grua tjetër drejt trenit në lëvizje.

Siç raporton “Fox News”, e dyshuara është përshkruar nga policia si një grua në të tridhjetat.

Pamja e gruas tjetër nuk shihet në video, por raportohet se ajo është një 42-vjeçare.

Sipas policisë, gruaja nuk ka rënë mbi binarë, por forca e shtyrjes nga personi tjetër e ka përplasur për treni dhe më pas është kthyer përsëri në platformë.

Ajo është dërguar në spital me lëndime në fytyrë. Policia ka thënë se lëndimet janë serioze, por jo që e rrezikojnë jetën e gruas.

Hetuesit i kanë marrë në pyetje dëshmitarët, por e dyshuara e paidentifikuar nuk është gjetur deri të hënën.

Autoritetet kanë publikuar një numër telefoni ku qytetarët mund të ofrojnë të dhëna në lidhje me këtë rast, nëse kanë.