Pas triumfit të lavdishëm në meçin e mbrëmshëm ndaj Deontay Wilderit, Tyson Fury e ka quajtur veten si boksierin më të mirë të peshave të rënda në epokën e tij.

Britaniku fitoi pas nokautit që ia shkaktoi amerikanit në rundin e 11-të, ndonëse gjatë rundeve të kaluara e kishte rrëzuar edhe njëherë dhe ishte rrëzuar dy herë nga ai. “E kam dëshmuar sa e sa herë që nuk mund të më hiqni qafe”, ka thënë Fury.

“Nuk e kam dhënë performancën më të mirë, por u nxora kur e deshi puna. Unë jam më i miri i peshave të rënda në epokën time, pa dyshim. Numri një. Nëse luani me zjarr më gjatë se që duhet, do të digjeni”, ka shtuar Furyt.