Sabile Keçmezi-Basha

Më besoni se nuk e kam me ju
As me ty
As me ata, atje lart
Që vendi vend nuk i zë

Mllefi është i mllefosur sonte
E në Arbëri
Përsëri ka furtunë
Më kot i arnova retë
Sërish bie shi

Mllefi
Vazhdimisht është i mllefosur
Sonte
As kafka ime nuk e zë
Më janë shkërmoqur brinjët
Lëkura tej mase e fryrë
Ka pëlcit
Se më
Nuk mund ta bëjë zap
Mllefin e mllefosur

Edhe Kutia e Pandarës u hap sonte
Mllefi kërkoi dyluftim
Duke luajtur lojë me 1001 hile
Paçka
Që janë grisur hartat

Paçka që qanë Rozafa